Gessem en carrèr
Peces Històriques Triades Per Josep Maria CasasúsGessem en carrèr entà potenciar era nòsta lengua, era de TOTI ; entà informar, entà amplir eth uet que patim en nòste parçan de comunicacion en lengua aranesa.
TOTI, amasse en son títol tota era significacion que volem dà-li. Cau qu’aquesta òbra sigue era de TOTI aqueri que volem liéger en aranés.
Pensam entrar un viatge per setmana enes cases de TOTI es poblans d’Aran, sense distincion e auem eth propòsit d’èster ath servici de TOTI.
TOTI ei eth resultat dera volontat dera Generalitat de Catalonha, amassa damb eht Conselh Comarcau de Montanha dera Val d’Aran e es Ajuntaments d’Aran.
Non volem hèr era competéncia ad arrés ne volem enfontrà-mos damb arrés, volem hicar eth nòste pervier de poble enes mans de TOTI es aranesi.