Eth Conselh Generau d’Aran amplie eth convèni de collaboracion damb era associacion ADDA

N’a incrementat era aportacion economica a 114.000 euròs

Eth Conselh Generau d’Aran a renauit eth convèni de collaboracion damb era associacion sense ànim de lucre ADDA e n’a incrementat era aportacion economica a 114.000 euròs entath finançament des activitats qu’amie a tèrme pendent er an. “Un des objectius que perseguim des deth govèrn deth Conselh Generau d’Aran ei eth d'establir es bases e estrategies dera atencion sociau tàs pròplèus ans, ues bases que responen a un projècte clar e concrèt que balhe solucions as besonhs reaus deth nòste territòri” afirme era vicesindica prumèra e conselhèra d’Igualtat, Salut e Benèster, Maria Vergés, en tot híger que: “en aguest sens, eth trabalh que desvolòpen es professionaus dera associacion ADDA ei primordiau entath benèster collectiu dera societat aranesa”.

 Aguest increment ena aportacion economica establit en convèni de collaboracion entre eth Conselh Generau e ADDA, se da entà garantir qu’era associacion pogue amiar a tèrme en milhors condicions es sòns prètzhèts en airau de centre aucopacionau e de servicis d’insercion sociolaborau.