Vielha e Mijaran daurís era convocatòria entà sollicitar ajudes ath comèrç, petites e mejanes empreses e autonòms

Er Ajuntament de Vielha e Mijaran aufrís ua linha d'ajudes as PIMES e autonòms deth municipi entà ajudar-les a paliar es despenes qu'an agut de sufragar com a consequéncia dera aparicion deth covid-19. En aguest sens, eth consistòri a daurit era convocatòria entà qu'es PIMES (de mens de 20 trabalhadors) e autonòms qu'agen era sua activitat empresariau en Vielha e Mijaran, poguen demanar ua subvencion entà ajudar en pagament de materiaus e EPIS de proteccion deuant dera pandémia, qu'aueren de crompar dempús der estat d'alarma.

Eth periòde imputable ei deth 14 de març ath 30 de junh de 2020, en tot concedir-se sonque ua ajuda per sollicitant. Era quantitat dera subvencion autrejada serà deth 50% der impòrt des factures enquia un maxim de 400 èuros. Tota era informacion entà poder sollicitar era ajuda, atau coma eth formulari e era justificacion, son plaçadi ena plana web der Ajuntament de Vielha e Mijaran e se poderà presentar en registre der Ajuntament presenciaument en tot demanar ora en telefònn 973640018 o pera sedença electronica.

Es sollicitants dispausen d'un totau de quinze dies abils dempús dera sua publicacion en Bulletín Oficiau dera Provincia de Lhèida entà presentar es sollicituds d'ajuda. Aguesta partida s'includís laguens des 119.500 èuros qu'eth consistòri non a invertit enguan enes hèstes majors deth municipi e der airau de cultura, e que se destinen a ajudar as familhes e negòcis que patissen es efèctes dirèctes dera crisi economica generada a compdar dera crisi sanitària deth covid-19.

 

El + vist

El + comentat