Juan Antonio Serrano (Tremp, 1963), d'Unitat Aranesa (UA), una formació vinculada al PSC, va incrementar el 2019 la majoria absoluta que va obtenir quatre anys abans a Viella i Mig Aran, passant de 7 a 9 regidors i amb gairebé el 60% dels vots. Un èxit que espera repetir a les pròximes eleccions, tot i que els efectes de la pandèmia han passat factura a Aran. 

Pau Perdices (Lleida, 1960), regidor de Convergència Democràtica Aranesa (CDA), és el líder de l'oposició a Viella i Mig Aran.

Eth pròplèu 23 de mai se celèbre ua naua edicion deth tradicionau romiatge de Santa Quitèria, en airau de Sant Nicolau, ena boca sud deth Tunèl de Vielha. Dempús de qu'er an passat se suspenessen es actes en aguest airau, e se celebrèsse era missa ena Glèisa de Sant Miquèu de Vielha, per estat d'alarma decretat deuant dera aparicion dera pandémia peth covid-19, enguan se poirà tornar a celebrar aguest romiatge en sòn encastre abituau, mès en tot respectar es normes de seguretat vigentes. A despièch de qu'er estat d'alarma ja s'a acabat, era pandémia encara ei presenta e, per tant, cau seguir es mesures de seguretat e distància.

Aguest maitin, eth plen der Ajuntament de Vielha e Mijaran, amassat en session extraordinària, a aprovat era 2au modificacion de credit deth pressupòst municipau d'enguan, per valor de 4.295.000 €, qu'a compdat damb es vòts a favor d'Unitat d'Aran, e es vòts en contra dera oposicion de Convergéncia Aranesa e Aran-Amassa. D'aguesta modificacion, que compde damb mès de 3.000.000 € deth romanent de tresaureria, eth 70% se destinarà a realizar inversions pendent aguest ostiu, en òbres, reabilitacion de bastisses e ajudes economiques entà paliar part des efèctes dera pandémia deth covid-19.

A compdar deth pròplèu deluns 19 d'abriu, es usatgèrs deth Palai de Gèu poderàn repréner bona part dera sua activitat esportiva, en tot emplegar eth Palai d'Espòrts de Vielha de manèra temporau. Er Ajuntament de Vielha e Mijaran a aprovat un plan de gestion alternatiu entà qu'aguesta installacion, plaçada ath cant deth Palai de Gèu, pogue acuélher bona part des activitats dirigides que èren abituaus en Palai de Gèu, dempús deth sòn barrament a conseqüéncia des grèus damatges que patís ena sua estructura.

Dempús deth barrament deth Palai de Gèu eth passat 26 de març per problèmes grèus ena estructura, er equip de govèrn der Ajuntament de Vielha e Mijaran trabalhe entà poder tornar a daurir era installacion municipau enes melhores condicions possibles entà toti es usatgèrs e trabalhadors, en tot velhar pera sua seguretat e integritat. Er equip de govèrn a parlat damb toti es implicadi en aguest barrament (usatgèrs, trabalhadors e entitats qu'an locaus ena bastissa), atau coma damb es partits dera oposicion deth consistòri, entà transméter quina ei era situacion actuau deth Palai de Gèu. Ath delà, se trabalhe damb Pompièrs-Emergéncies d'Aran entà que i age era possibilitat de qu'es afectadi poguen entrar ena installacion entà poder retirar damb seguretat toti es objèctes qu'agen de besonh.

A compdar d'aguest diuendres, eth Palai de Gèu de Vielha a barrat es sues pòrtes temporaument a causa des grèus damatges que patís ena sua estructura. Er Ajuntament de Vielha e Mijaran encarguèc un informe a ua empresa especializada entà saber en quin estat se trape era installacion, damb er objectiu de poder previer inversions e melhores entà enguan.

Aguest dimars s'an reprenut es amassades deth Conselh dera Vila, que s'auien arturat pera aparicion dera pandémia deth covid-19. En aguesta reünion qu'a agut lòc ena Sala de Plens der Ajuntament de Vielha e Mijaran e qu'a estat presidida peth president deth Conselh dera Vila e baile municipau, Juan Antonio Serrano, s'a constituït era comission dera nhèu. Er objectiu d'aguesta comission, que hè part d'aguest organ de participacion ciutadana, ei poder debàter mesures des der airau civic entà confeccionar un seguit de prepauses qu'an de servir entà melhorar eth servici de neteja e mantenement des accèssi, des carrèrs principaus e des trepadèrs de toti es pòbles deth municipi en iuèrn.

Aguest dimars a agut lòc ua naua amassada der equip de govèrn der Ajuntament de Vielha e Mijaran damb es desparièrs presidents des Entitats Municipaus Descentralizades (EMD), en tot repréner es reünions que s'amien a tèrme periodicament. En aguesta escasença, s'a tractat era problematica der accès ara viuenda en municipi. A arraïtz dera constitucion dera taula der abitatge de Vielha e Mijaran pendent aguest mes de març, er equip de govèrn a transmetut era volentat d'aufrir supòrt economic as EMD ena implementacion de viuenda sociau en cada pòble deth municipi, enes terrens e bastisses que se volgue destinar a d'aguesta intencion, atau coma balhar supòrt as desparières iniciatives que poguen generar-se.

Er Ajuntament de Vielha e Mijaran a aprovat eth projècte des òbres de melhora deth hilat d'aigües, sanejament e pavimentacion d'un conjunt de carrèrs de Vielha, que seràn reformadi aguest pròplèu ostiu. En aguesta intervencion, avalorada en 357.554,10 èuros, s'amiarà a tèrme ua modernizacion complèta de toti aguesti servicis basics en carrèrs que demoren en un estat fòrça maumerenc. Ua actuacion plan de besonh, pr'amor que hè mès de 50 ans que non s'an hèt melhores en aguesti servicis e a on es carrèrs presenten un acabat de hormigon fòrça deteriorat o damb un godron qu'a patit fòrça reparacions ath long des ans e, en conseqüéncia, presenten irregularitats, henerècles e deteriorament pera retirada dera nhèu e pes cambis de temperatura en iuèrn.

Vielha e Mijaran a estat seleccionada entà realizar era Enquèsta de Poblacion Activa (EPA) der Instituto Nacional de Estadística (INE). Aguesta ei ua investigacion que se desvolòpe des der an 1964 e a coma principau objectiu era obtencion de donades dera poblacion en relacion damb eth mercat de trabalh: aucupadi, actius, arturadi e inactius. Mercés ad aguesta enquèsta, s'obtien resultats detalhadi entath conjunt deth territòri nacionau, atau coma entàs comunitats autonòmes e es províncies.

A compdar d’aguest dimars 23 de hereuèr, er Ajuntament de Vielha e Mijaran daurís era convocatòria deth prumèr periòde de subvencions de 2021 en municipi. Enquiath pròplèu 31 de març, totes aqueres persones o entitats que volguen, poderàn demanar ajudes entàs activitats restacades damb es airaus der espòrt, era musica, cultura, joenessa, servicis sociaus, torisme, hèstes, ensenhament e cooperacion entre d’auti.

La dificultat de bona part de la població per accedir a l'habitatge és un dels principals problemes que fa anys que arrosseguen territoris pirinencs com l'Aran o Cerdanya. La pressió turística i el fenomen de les segones residències i els habitatges d'ús turístic han fet encarir els preus de pisos i cases tant de lloguer com de compra, fent que sovint siguin inassumibles per a molta gent del territori. Només cal donar un cop d'ull a les principals pàgines d'anuncis immobiliaris per comprovar que trobar un pis de lloguer al nucli de Vielha d'almenys dues habitacions per menys de 700 euros és missió gairebé impossible.

Er Ajuntament de Vielha e Mijaran a liurat aguest maitin eth libre “Netó: Era legenda der Aneto”, ar alumnat dera Escòla Garona. Aguesta publicacion tracte sus ua legenda qu'a ara montanha pirenenca coma èish vertebrador dera istòria. Aguesta accion ei includida laguens deth projècte Interreg-POCTEFA “Reiaume der Aneto” en qu'i participen Benasc, Luishon e Vielha e Mijaran. En aguest sens, eth libre s'a editat en benasqués, occitan e aranés, coma mòstra de respècte as lengües oficiaus des diuèrsi sòcis deth projècte, en tot promòir era sua difusion.

Era Residéncia Sant Antòni de Vielha a reprenut aguest dimars es visites as usatgèrs e usatgères deth centre, dempús d’auer estat catalogada coma centre iranja peth Departament de Salut dera Generalitat. Pr’amor d’aguesta catalogacion, se daurissen tanben es espacis comuns deth centre, dempús de quauques setmanes sense auer podut recéber visites ne hèr a servir aguesti espacis.

Pendent aguesta setmana s'an iniciat es òbres de reforma der enlumenat deth Palai d'Espòrts de Vielha. Ua intervencion que permeterà, a trauès dera installacion d'un sistèma de lums LED, ua melhora dera qualitat der enlumenat d'aguest equipament esportiu municipau, atau coma amendrir eth consum energetic pendent eth sòn emplec.

Deuant dera aplicacion dera resolucion de 5 de hereuèr deth Departament de Salut dera Generalitat de Catalunya entara contencion des bròts dera pandémia deth covid-19 en territòri, er Ajuntament de Vielha e Mijaran a adaptat es condicions de dubertura e aforament des installacions municipaus entre es dies 8 e 21 de hereuèr, qu’ei eth periòde que compren aguesta resolucion. D'aguesta manèra, es equipaments culturaus seràn dauridi ath 50% deth sòn aforament. Era Bibliotèca Generau de Vielha daurirà es sues pòrtes aguest dimèrcles 10 de hereuèr en sòn orari abituau, mentre qu'Era Audiviovisuau començarà a projectar pellicules a compdar d'aguest dissabte, 13 de hereuèr. En tot cas, entà complir damb eth tòc de queda, er orari limit d'aguesti espacis serà des 22 ores.

Un an mès, diuèrsi alumnes an era escasença de realizar practiques en diuèrsi equipaments municipaus de Vielha e Mijaran pendent eth cors escolar. Actuaument, ua alumna deth Lycée Privé Notre-Dame de Garaison de Lannemezan (França), qu'estúdie eth Bachilierat Professionau de Gestion e Administracion, realize aguestes practiques en Ajuntament de Vielha e Mijaran, concretament coma supòrt dera Oficina Tecnica. Pendent eth mes de gèr siguec en Palai de Gèu, mès damb eth barrament dera installacion coma mesura de prevencion de contagi dera pandémia, siguec trasladada ara Oficina Tecnica a on finalizarà es practiques. 

Eth plen der Ajuntament de Vielha e Mijaran, amassat en session ordinària aguest dimèrcles, a aprovat damb es vòts a favor d'Unitat d'Aran e Convergéncia Aranesa, era mocion entà demanar ara Generalitat de Catalunya que s'apliquen mesures especifiques entà hèr front ara crisi sanitària deth covid-19 enes territòris de montanha. Aguesta mocion elaborada pes municipis (entre eri Vielha e Mijaran) e es conselhs comarcaus deth Pirenèu preten qu'era administracion catalana age en compde era singularitat e era problematica des zònes ruraus en moment de préner quinsevolh tipe de decision en relacion as mesures a adoptar ena contencion dera pandémia. Es besonhs e especificitats que i a en Pirenèu non an arren a veir damb es que i a en d'auti parçans de Catalonha, e per aguest motiu, se demane qu'es territòris de montanha agen votz pròpria ena prenuda de decisions ath respècte.

Er Ajuntament de Vielha e Mijaran a comunicat eth barrament des equipaments municipaus (Bibliotèca Generau de Vielha, Palai de Gèu e Era Audiovisuau) pendent 15 dies, a compdar d'aué, entà contier er aument de contagis deth COVID-19 en municipi. A demana deth Conselh Generau d'Aran, degut ara situacion sanitària, er increment excessiu de contagis per COVID-19 e era activacion deth plan de contingéncia en Espitau Val d'Aran, eth baile de Vielha e Mijaran, Juan Antonio Serrano, a emetut un decrèt d'alcaldia en tot comunicar eth barrament d'aguesti espacis enquias 00:00 deth 9 de hereuèr.