Si hi ha una reivindicació històrica de la Vall d'Aran que no s'ha atès mai és el clam perquè el territori tingui un diputat fix al Parlament de Catalunya. Ja ho demanava el Conselh Generau provisional als anys 80 en els primers compassos de la democràcia i aquest dijous la síndica d'Aran, Maria Vergés, ha defensat al ple de la cambra la necessitat de garantir-hi un representant emmirallant-se en la via que ha seguit Croàcia amb les minories dins el seu país. El camí ja el va reactivar amb una compareixença seva el desembre de l'any passat, però, entremig, hi ha hagut canvis al Govern i veu en l'actual etapa d'"estabilitat" un bon moment per aconseguir-ho.

Pendent era session plenària d’aué, eth Conselh Generau d’Aran a aprovat (damb es vòts a favor deth grop d’UA e era abstencion de CA) eth reglament regulador deth Conselh Consultatiu der Aranés. “Eth Conselh Generau d’Aran, qu’ei era administracion competenta en matèria de lengua, cree aguest òrgan entà compdar damb ua assessoracion e consulta en matèria de politica e planificacion lingüistiques”, afirmaue era sindica d’Aran, Maria Vergés, e higie que “er objectiu d’aguest òrgan ei trabalhar entara vitalitat sociau der aranés e balhar es criteris tecnics e lingüistics de besonh entà qu’es accions e politiques de promocion, normalizacion e difusion dera lengua agen un impacte positiu e dirècte ena perviuença der aranés”.

Aguest diuendres, ena session extraordinària deth plen deth Conselh Generau d’Aran, s’a aprovat (damb es vòts a favor deth grop d’Unitat d'Aran e es vòts en contra de Convergéncia Aranesa) era prumèra modificacion de credit deth pressupòst deth Conselh Generau. Aguesta modificacion contemple ua partida de 210.000 euròs entà ajudes ath sector empresariau aranés, afectat pes restriccions e barraments provocadi pera crisi sanitària.

Eth Conselh Generau d’Aran, a trauès deth SIAH, a aufrit ua formacion ath personau des administracions publiques araneses sus intervencion en violéncia de genre e victimologia, ena qu’an participat ua treinta de professionaus de diuèrsi perfils deth Conselh Generau, ajuntaments, Aran Salut e Pompièrs d’Aran. En aguest cors, qu’a auut ua durada de tres setmanes e a estat impartit pera doctora en psicologia clinica e forense, Elena Garrido Gaitán, s’an trabalhat elements dera violéncia de genre en contèxte dera parelha des d’un punt d’enguarda psicosociau e culturau. S’an tractat es fondaments e estructuracion d’aguest tipe de violéncia, atau coma es sequèles e era psicopatologia associada ath damatge patit pes victimes. Es participaires an trabalhat tanben diferents esturments aplicadi ara intervencion damb es victimes.

Eth Conselh d’Administracion de Pompièrs Emergéncies (CAPE) aprovèc eth passat diuendres eth prumèr convèni collectiu dera istòria des Pompièrs en Aran, dempús de dus ans de negociacions damb es representants des trabalhadors. Damb era implementacion deth nau modèl de gestion integrau d’emergéncies en Aran, s’inicièc eth procés d’integracion des diferents collectius qu’operauen enes emergéncies deth territòri, qu’enquiath moment auien situacions laboraus diferents, en tot arténher agropar tot eth personau ena madeisha empresa, Pompièrs Emergéncies SL.

En plen ordinari deth Conselh Generau d’Aran celebrat aguest diuendres, era sindica d’Aran, Maria Vergés, a anonciat qu’eth govèrn aranés trabalhe de hè temps ena creacion d’ua linha d’ajudes destinades ath sector empresariau del territori, fòrça afectat pes restriccions aplicades der inici dera pandèmia ençà. “Eth govèrn deth Conselh Generau d’Aran dejà hè uns mesi que trabalhe en cercar mesures que balhen supòrt ara ostalaria, restauracion, comèrç e d’autes empreses deth territòri, que s’an vist fòrça afectades pera crisi socioeconomica provocada peth covid-19”, explicaue era sindica d’Aran, en tot híger que: “laguens des nòstes limitacions e possibilitats, auem decidit destinar ua partida entà subvencionar eth 50% deth rebut de lordères abonat peth nòste teishut empresariau en 2020”. 

Eth govèrn deth Conselh Generau d’Aran a aprovat er expedient de contractacion e licitacion des òbres d’accessibilitat ath campanau dera glèisa de Sant Andreu de Salardú. Er objectiu d’aguesti trabalhs ei dotar ath campanau d’ues condicions d’accès segures, pr’amor qu’ena actualitat se trape en molt mau estat, arribant a èster perilhós. Es actuacions que s’amiaràn a tèrme cerquen respectar era estructura d’òbra e, sustot, méter en valor es estructures de husta d’aguest campanau, que son d’un naut interès arquitectonic.

Era crisi sanitària a desencadeat tanben ua crisi socioeconomica damb un naut impacte en Aran. Pr’amor d’açò, eth govèrn deth Conselh Generau d’Aran determinèc aumentar sustanciaument es recorsi destinadi as ajudes sociaus qu’era maxima institucion aranesa balhe ad aqueres persones que se trapen en situacion de vulnerabilitat en Aran.

El govern aranès presentarà un recurs contenciós administratiu contra la Generalitat a causa de l'incompliment de l'Acord Institucional de gestió integral d'emergències a l'Aran, aprovat l'any 2019 per la Comissió Bilateral Generalitat-Conselh Generau. Tot plegat ho ha explicat el Conselh Generau, durant la sessió extraordinària de la Junta General de Pompièrs-Emergéncies celebrada aquest divendres.

Efectius des Pompièrs d’Aran e dus agents comunitaris amiaràn a tèrme aguesta setmana trabalhs de conscienciacion enes lòcs de mès afloéncia dera Val d’Aran, ena linha de çò que s’amie a tèrme en d’auti endrets, damb er objectiu d’informar e conscienciar ara ciutadania deth besonh de seguir es mesures de seguretat entà esvitar contagis. Eth Conselh Generau d’Aran a iniciat ua campanha de conscienciacion entà informar ara poblacion dera Val d’Aran deth besonh de seguir es mesures preventives dictades pes autoritats competentes.

Eth Conelh Generau d’Aran a daurit dejà era convocatòria entà sollicitar es ajuts a explotacions ramadères plaçades en zònes de montanha tamb dificultats especiaus entar an 2020. “Aguestes ajudes supausen ua compensacion as ramdèrs aranesi per aqueri caps de bestiar ovin, crabum, equin e vacum non retornat pendent er ostiu de 2020 pr’amor de causes meteorologiques, atacs de fauna protegida non detectadi, malauties, despenhaments o d’autes”, explicaue eth conselhèr de Territòri, Paisatge e Gestion ambientau, Francés Bruna, en tot híger que: “toti es caps sollicitadi, se dan de baisha en sistema d’informacion ramadèra dera administracion, de manera que non pòden èster legaument transportadi, sacrificadi o venudi, entà evitar possibles fraus”.

Era sindica d’Aran, Maria Vergés, e eth conselhèr d’Espòrts, Héctor Manero, an recebut aguest dimèrcles en Conselh Generau d’Aran ath freerider aranés, Aymar Navarro, damb qui an renauit eth sòn convèni de patrocini. “Aymar ei ua figura fòrça subergessenta laguens deth freeride e, gràcies ad aguest convèni de patrocini, promocione era Val d’Aran coma destinacion esportiua a nivèu internacionau, çò qu’ei tot un orgulh tath nòste territòri”, afirmaue era sindica d’Aran, en tot híger que: “entath govèrn d’Aran ei important balhar-les as esportistes aranesi eth nòste supòrt entà que contunhen artenhent exits ena sua trajectòria esportiua, ei per aguest motiu qu’enguan renauiram es convènis de patrocini que signèrem er an passat”.

Aguesta tarde a auut lòc, ena sedença deth Conselh Generau d’Aran, ua amassada entre era sindica d’Aran, Maria Vergés, e es conselhèrs d’Economia, Torisme e Promocion Economica, Juan Antonio Serrano e Josep Canut, damb eth conselhèr d’Empresa e Coneishement dera Generalitat, Ramon Tremosa, e eth director de Servicis Territoriaus d'Empresa e Coneishement en Lleida, Ramon Alturo.

Eth Conselh Generau d’Aran a dubèrt dejà es inscripcions entath nau cors deth nivèu C1 (antic nivèu D) d’aranés ena Val d’Aran. Enguan, pr’amor dera situacion sanitària ena que mos trapam, se mantierà eth format de classes online. Es places entad aguest cors son limitades e ei de besonh realizar era inscripcion abans deth 18 de gèr. Entà inscriuer-se ei de besonh compdar damb eth nivèu B2 (antic C).

Eth Plen deth Conselh Generau d’Aran a aprovat aué, damb es vòts a favor de UA e era abstencion de CdA, eth pressupòst entar an 2021 dera maxima institucion aranesa, damb un impòrt de 34.143.097 euròs. “Aguest pressupòst tene en compde era situacion sanitària, economica e sociau provocada peth covid-19 e cerque amendrir es efèctes sus aguesti airaus ath temps que potencie era creacion de naues oportunitats economiques en nòste territòri”, afirmaue era sindica d’Aran, Maria Vergés.

Dempús de quauqui mesi de trabalh, es professionaus deth Centre de Lauegi deth Conselh Generau d’Aran (damb era collaboracion des administradors tirolesi dera plataforma Albina) an artenhut adaptar era plataforma entà generar eth bulletin de perilh de lauegi ena Val d’Aran en cinc lengues: aranés, catalan, castelhan, francés e anglés.

El Conselh Generau d'Aran ha aprofitat l'aixecament parcial del secret de sumari en la investigació de la mort de l'os Cachou per defensar-se de la "injusta acusació" que creuen que els han llançat "alguns sectors" en relació a la tasca que ha fet la institució en tot aquest afer. En aquest sentit, creuen que l'aixecament parcial d'aquest secret de sumari posa de manifest que l'actuació de l'executiu aranès "ha estat, no només impol·luta, sinó fonamental, i així es recull en la mateixa instrucció".

Després de conèixer que la Generalitat estudia la petició d'Andorra i la comarca de l'Alt Urgell per a equiparar el Principat amb aquesta comarca i aixecar les restriccions de mobilitat entre tots dos costats de la frontera, la síndica d'Aran, Maria Vergés, ha dirigit una carta al vicepresident en funcions de president de la Generalitat de Catalunya, Pere Aragonès. Li ha assenyalat que permetre aquesta equiparació entre Andorra i l'Alt Urgell i no fer-ho entre França i l'Aran tindria un impacte molt negatiu en el sector turístic i econòmic aranès.

Eth govèrn deth Conselh Generau d’Aran, a trauès de Foment Torisme Val d’Aran, a lançat era campanha “Aguest Nadau, consumís en Aran”, entà incentivar eth consum locau e de proximitat en aguestes dates tan senhalades. “Ara mès que jamès ei de besonh fomentar eth comèrç locau e artesanau, sustot de cara as hèstes de Nadau, quan ei mès abituau un increment d’activitat en aguest sector”, assegure eth conselhèr d’Economia, Torisme e Promocion Economica, Juan Antonio Serrano, en tot híger que: “actuaument ei fòrça abituau eth consum online de tot tipe de productes, mès mos trapam en ua situacion ena que mos cau dar supòrt as nòstes botigues, pr’amor qu’era Val d’Aran aufrís era possibilitat d’aquerir ua amplia varietat de productes de grana qualitat e de tot tipe: textils, artesanaus, agroalimentaris, esportius o infantils, entre d’auti”.