Er Ajuntament de Naut Aran a iniciat es tramits entà ampliar era superfície dera escòla Ruda de Salardú pr'amor der increment d'escolans qu'a auut eth centre pendent aguest darrèr cors en plea crisi deth coronavirus. En aguest sens, es matriculacions an aumentat en un 44% en tot passar de 52 a 75 alumnes, en tot auer de hèr un sobreesfòrç logistic entà acuelher-les e distribuïr-les dera forma mès eficienta entre es diuèrses classes disponibles.

Er Ajuntament de Naut Aran apraiarà eth darrèr tram dera carretèra que va d’Aiguamòg enquias Banhs de Tredòs a compdar deth pròxim mes de mai entà que sigue premanit entara arribada de visitants en ostieu. Eth consistòri trabalharà en ua extension de 2,4 Km que se distribuiràn en un tram de 1.600 mètres qu’anarà deth parcatge de tèrra que i a en aguest parçan enquia es corbes de naut desnivèu que son ena via e un aute de 800 mètres qu’anarà deth pònt plaçat ena entrada des Banhs de Tredòs enquia aguest pròpri equipament.

Dempús de diuèrsi mesi d’amassades entre er Ajuntament de Naut Aran, era comunitat skate deth territòri e especialistes en sector, eth consistòri a aprobat era creacion d'un complèxe de 506m2 fòrça complèt e adaptat entà toti es nivèus en Arties. Se tracte deth prumèr Skate Park de granes caracteristiques qu'aurà era Val d'Aran pr’amor que, actuauments, sonque i a ua petita rampa ena poblacion de Vielha. En totau, se destinaràn 165.000 èuros ath bastiment d'aguest espaci que serà fin finau de hormigon.

Aguest maitin s'a realizat un nau plen ordinari en Ajuntament de Naut Aran en quau, entre d'auti punts, s'a aprobat per unanimitat ua modificacion de pressupòst de 675.000 èuros enfocadi era grana part entà ajudes economiques pera pandèmia deth coronavirus e d'autes inversions entad aguesta zòna. En aguest sens, tant era equipa de govèrn de Convergéncia Aranesa, coma era oposicion d'Unitat d'Aran e Aran Amassa an votat a favor d'un paquet d'ajudes dirèctes per valor de 180.000 èuros qu'acabaràn enes negòcis que tributen en eth municipi.

Ath torn de 1.000 vesins deth municipi de Naut Aran an pogut beneficiar-se des ajudes dirèctes que les a aufrit eth consistòri en tot auer consumit enes negòcis locaus d’aguest parçan. Eth projècte qu’ideèc er ajuntament eth passat mes de mai, contemplaue que quinsevolh persona que siguesse empadronada en municipi e consumie en bèth establiment d'aguesta zòna, poguesse presentar es tiquèts en forma de factura entà que se li retornèsse un 50% der impòrt totau enquia un maximom de 200 èuros. Per tant, se un vesin presentaue factures en Ajuntament de Naut Aran per valor de 60 èuros, se li retornauen 30, o en cas qu'auessen estat 200 èuros o mès, 100 èuros, pr'amor qu'ère eth limit establit.

Era organizacion deth Salardú Country Ròck Festival amassa damb er Ajuntament de Naut Aran, a decidit suspéner era 7au edicion d'aguest multitudinari eveniment qu'amassaue ath torn de 6.000 persones en municipi de Naut Aran enes darrèries deth mes d'agost. Eth motiu d'aguesta anullacion, per dusau an consecutiu, ei pr'amor dera actuau pandèmia deth coronavirus, atau coma entà poder evitar un major risc de contagi entre era poblacion aranesa e es visitants que van ad a eth.

Eth govèrn deth Conselh Generau d’Aran a aprovat er expedient de contractacion e licitacion des òbres d’accessibilitat ath campanau dera glèisa de Sant Andreu de Salardú. Er objectiu d’aguesti trabalhs ei dotar ath campanau d’ues condicions d’accès segures, pr’amor qu’ena actualitat se trape en molt mau estat, arribant a èster perilhós. Es actuacions que s’amiaràn a tèrme cerquen respectar era estructura d’òbra e, sustot, méter en valor es estructures de husta d’aguest campanau, que son d’un naut interès arquitectonic.

Er Ajuntament de Naut Aran a inaugurat oficiauments es punts de recarga electrica en municipi amassa damb dera collaboracion dera enterpresa Iberdrola, en un acte que s'a amiat a tèrme en nuclèu de Baqueira. En aguest sens, des d'aué madeish, dejà se pòt hèr emplec des estacions de Baquèira, Gessa e Salardú, damb era nauetat qu'eth servici serà gratuït enquia finaus deth mes de març. Eth consistòri a signat un acòrd damb era companhia electrica entà qu'es vesins e toristes que visiten era zòna, poguen provar aguestes installacions sense cap tipe de còst.

Eth plen der Ajuntament de Naut Aran a aprovat aguest maitin damb es vòts a favor de Convergéncia Aranesa e es vòts en contra d'Aran Amassa e Unitat d’Aran, era cession d'usatge dera glèisa de Sant Andreu de Salardú e deth sòn cementèri, autant coma era glèisa de Baqueira. En aguest sens, eth convèni contemple qu'eth Bisbat d'Urgelh permete hèr usatge d'aguest espaci ath consistòri dera forma que considère, quan volgue, pendent un periòde de 50 ans. Gràcies ad aguesta aprobacion, se regularizarà er usatge d'aguest temple culturau entara realizacion d'eveniments coma bèth concèrt o exposicions, o ben, promòir eth sòn campanau entà convertí'c en un atractiu toristic entà visitar sustot ena sason d'ostieu e tardor.

Er Ajuntament de Naut Aran realizarà un estudi de viabilitat entara creacion d'un Skate Park a 200 mètres dera centrau idroelectrica dera poblacion d'Arties. En totau, se profitarien 500m2 de superfície, que se destinarien principauments ara creacion d'un 'Bowl' de gondron (colloquiauments dit piscina), en qué tant 'skaters' expèrts, auançadi o iniciadi poderàn gaudir dera practica d'aguest espòrt. Dera madeisha manèra, tanben se contemple era incorporacion de d'auti elements que poguen ajudar a hèr mès versàtil aguesta futura installacion.

Es accions entara dubertura deth nau gimnàs de Gessa seguissen per bon camin e poderien finalizar pendent aguest pròplèu mes d’hereuèr. En totau, s'an destinat 70.000 èuros ara creacion de tres espacis diferenti laguens dera sala sociau deth pòble: ua zòna de maquines e peses de fitness, atau coma biciclètes e cintes, ua auta entà dar eth servici de classes de crossfit e activitats dirigides qu'aufrirà eth complèxe, e ua tresau qu'aurie era foncion de bar entàs sòcis deth gimnàs o vesins que desiren préner un refrigeri.

Er Ajuntament de Naut Aran destinarà 60.000 èuros a subvencionar era educacion des estudiants de Naut Aran entà ajudar economicament as familhes deth municipi.⁣ ⁣Es ajudes se fraccionarien en quate airaus: eth pagament de libres, d'ordenadors, dera matricula des escolans damb estudis universitaris o grads mejans e superiors que non se hèsquen ena Val d'Aran e entà corbir es despenes de mobilitat qu'aurien ath long der an es persones que non viuen en sòn municipi o comarca.⁣ ⁣

L'Ajuntament de Naut Aran ha aprovat en ple la proposta de canvi d'ús de locals a habitatges del municipi. La mesura consisteix a fer que els propietaris de locals comercials del nucli antic de Naut Aran (qualsevol població excepte Baqueira i Tanau) tinguin l'opció de canviar l'ús de l'immoble a habitatge modificant les normes subsidiàries.

L'Ajuntament de Naut Aran ha aprovat aquesta setmana l'ordenança que regula l'estacionament de vehicles al municipi. El document estableix què es pot fer i què no, i en quines condicions es pot estacionar o pernoctar dins del vehicle. D'aquesta manera, l'Ajuntament es dota d'una eina jurídica per poder sancionar algunes accions incíviques que, en alguna ocasió, poden causar perjudicis a la resta de la ciutadania. Cal tenir en compte que Naut Aran és un municipi amb una forta afluència turística, tant a l'hivern, amb l'estació de Baqueira Beret com a principal atractiu, com a l'estiu, amb l'accés al Parc Nacional d'Aigüestortes i Estany de Sant Maurici.